Teacher: Diana Estefanía Aguayo Ramírez
Available courses
Kichwa B2-2023
KALLARIY YUYAY (Introducción)
Kay killka kamuka B2 yachaypa amawta yachaykunami kan. Kay yachaykunawanka kichwa rimayta sinchiyachina paktayta paktakapakmi kan. Kashna runa kawsayta wakichishpa, sinchiyachishpa UINPIAW yachana wasipak yachay ayllukunawan yanaparinakushpa. Ashtawan yachakukkunawan kichwa rimaypi yuyay ushakuyta[1] sinchiyachinkapak. Kaypakka tukuy sami rikuyariy (virtual) hillaykunata mutsurishun. Yachachinkapaka kichwa rimaytami mutsurishka kanka.
Shinallatak kichwa rimayta yachankakuna, yuyaykunata hamutanata, killka katishkata hamutanata, shuktakkunawan rimarishpa hamutanakunata, rimayta rikuchinata hamutanata yachankakuna. Shina, kichwa rimayta kawsaypi, ruraypi, tukuy maypi kashka kuskakunapi kichwa rimayta rimankakuna. Ashtawan kichwa rimayta sinchiyachinkapakka maykan kamukunatapash killka katinkakuna, chaykunallamantatak uchilla, hatun yuyakunata killkankakuna.
Kay kichwa yachay tantanakuypika sukta tantachishka yachaykunatami charin. Kay yachaykunatami yachankakuna: I. Kichwa uyayta sinchiyachina. II. Yuyaykunata rurayta yachana. III. Shimikukuna awarita yachay (-pash. -wan, -pura, …). IV. Kichwa rimaymanta yachay, V. Arawimanta rimay. VI. Sumak yuyaykunamanta rimay sapan hunkaykunapakmi yachay llankay ñankunata rurashka kanka.
Yachankapak sapsi[2] pushakuykuna[3] (Orientaciones generales para el estudio)
B2 yachay patayta[4] allí katishpa paktachinkapakka kay ruraykunatami riksinkapa mutsurinchik:
- Hatun tantachiy yachay, uchilla yachaykunaka kay kamupimi killkashka kan.
- Moodle sirma pampapi[5] rikuyshuyu, sirmarikuy[6] ruraykuna, ppt rikuchikkuna, sirma kamukunakamay[7] tiyakun.
- Yachachik pushakmi Moodle sirma pampapi killkashka tiyak yachaykunatak, kay pushakuywan sichiyachishpa pushana kan.
Yachaypa paktaykuna (Objetivos de la asignatura)
· Kichwa rimayta sinchiyachinkapak UAW yachakukkunaman shukunamanpash yachachinka.
· Ima yanka kawsaymanta, kichwa runakunapak llaktakunapak kawsaymantami rimanka.
· Ima kawsaymanta killkashka killka katishpa ayninka[8]
· Runakunapa, llaktakunapa kawsayta killkakatishpami katikta[9] rikuchinka.
· Ima sumak killkashkata killkakatishka kipaka paypak yuyaymanta killkashkata rikuchinka
· Sumak kichwa shimi kashkatami may rikuchikunawanmi rikuchishpa katinkakuna.
Llankaypa llankayñan (Planificación del trabajo)
|
YACHAYNIKI |
YACHAYNIKIPA SHUTI |
YACHAY PAKTASHKA |
HUNKAYKUNA |
|
Shukniki |
Kichwa llakta rimaymanta, Shukshinalla kichwa rimayta killkanamanta. |
Yachakukkuna imashinalla kichwata llaktakunapi rimashkamanta riksin. Kichwapi killkashka kamukunata killkakatishpa uyachina. |
1 |
|
Ishkayniki |
Yuyaykunata imashinalla killkanamanta / Formación de oraciones gramaticales |
Shimikukunwan shimikunata rurana, kaykunawan yuyaykunata rurashpa rikuchinkakuna. (imachik, shuti, shutilli, imallichik shimikukuna). |
3 |
|
Shukniki tantachishka kamayku, sinchiyachinkapakpash |
1 |
||
|
Kimsaniki |
-pash, -wan, -pura, -ntin, -naku shimikukunawan yuyaykunata ruranamanta. |
Yachakukkuna shuktak shimikunawan yuyaykunata killkankuna. Tawka shimikukunawan shimikunta rurashpa shuktak yuyaykunata killkankuna. |
2 |
|
Chuskuniki |
Shukshinalla killkashpa yachashka kipaka maypipash rimayta rimanamanta. |
Yachakukkuna allí killkayta yachashka kipaka, imamatapash maypipash kichwa shimipi rimarinka. Chaypakka ñawpaktatak ushashpaka killkanka. |
1 |
|
Ishkayniki tantachishka kamayku, sinchiyachinkapakpash |
1 |
||
|
Pichkaniki |
Arawi ima kashkata, arawita killkankakuna, arawita willanamanta. |
Yachakukkunaka arawimanta yachanka, killkanka, willanka. Shuktak arawi kamukunamanta hapishpa, sapan yachakukkuna wiñachishpa. |
1 |
|
Suktaniki |
Sumak yuyaywan kichwa rimayta rimanamanta. |
Tukuy yachakukkuna sumakta killkanka kichwamanta, ñawpa rimaymanta, hampi yurakunamanta, mishki muru yurakunamanta, kaspipak yurakunamanta, shuktak yurakunamanta. Mushuk yuyakunamantapash. |
1 |
|
Tukuriy tantachishka kamayku, sinchiyachinkapakpash |
1 |
||
Llika Kamayku (Sistema de Evaluación)
Sapan yachaynikikunapimi kay rikchaykunata[10] kamaykuta[11] rikunka:
YACHACHIKWAN RURAYKUNA (ACD) (Actividad con el docente)
Yachay pachapi pakchiruraykuna[12], ruraykunata yachachikwan rurashkata.
MILCHIYACHIY[13] YACHAYRURAYTA[14] RURAYPI: (APE) (actividades de práctica experimentales)
Sapalla, tantarishpa yachayrurayta /milchayrurayta rurashkata rikushpa.
KIKINLLA RURASHKAKUNA: (AA) (actividades autónomas)
Yachana pachamanta washaman rurachun kachashka.
TANTACHISHKA YACHAYKUNATA KAMAYKUSHKAMANTA: (EAA) (evaluación acumulativa de aprendizaje)
Tukuymanta tiksi kamayku
Kamayku patakuna (Escala de valoración)
|
ESCALA CUALITATIVA |
ESCALA CUANTITATIVA |
EQUIVALENCIAS |
VALORACIÓN DE LA ASIGNATURA |
|
A |
9 – 10 |
May sumak (Excelente) |
Yallishka (Aprueba) |
|
B |
8 – 8.49 |
Sumak (Muy Bueno) |
Yallishka (Aprueba) |
|
C |
7 – 7.49 |
Alli (Bueno) |
Yallishka (Aprueba) |
|
D |
6 - 6.49 |
Shinalla (Regular) |
Kutinchariy (Recuperación) |
|
E |
Menos de 6 |
Mana alli (Deficiente) |
Mana yallin (No aprueba) |
Kamaykuy (Evaluación)
Kamaykuka tukuy yachay pachapimi rurashka kanka.
Chunka shuk hunkaypika tukuy tantachishkatami yachashkatami kamaykutaka ruranka. Llapsapi[15] nishka shinaka C killkapi kakpika kutinchariy kamaykuta ruray ushanka.
Imakunallata yachay yallinkapak mutsurishkamanta.
- Shutita killkachina
- Yachay rikuchik pankamanta payllana[16]
- C killkakama kamaykupi paktachina.
-
 |
80% patsakchiyllita yachaypi kana.
[1] Ushakuy - capacidad
[2] Sapsi – general, común.
[3] Pushakuy – orientación.
[4] Patay – nivel.
[5] Sirma pampa – plataforma.
[6] Sirmarikuy – video.
[7] Sirmakamukamay – bibliografía.
[8] Ayni – trabajo colectivo. trabajo comunal.
[9] Katik – siguiente.
[10] Rikchay – aspecto.
[11] Kamayku – evaluación.
[12] Pakchiruray – taller.
[13] Milchiyachiy - experimental
[14] Yachayruray – práctica.
[15] Llapsa – tabla.
[16] Payllay – pago.